Tidligere Bioforsk Nord Holt

Kunnskapsutvikling om nordlege vekstvilkår, arktisk kvalitet, ressursar langs kysten og i utmarka er viktige arbeidsfelt for Bioforsk Nord. Senteret vert leia frå Bioforsk Nord Holt i Tromsø, og har avdelingar i Bodø og på Tjøtta. Fagområdet "Arktisk landbruk og utmarksforsking" er delt i følgjande fagseksjonar: Arktisk landbruk og kvalitet (vert leia frå Holt), Miljø og utmarksressursar (vert leia frå Tjøtta) og Nordnorsk kompetansesenter (vert leia frå Holt). Bioforsk Nord har nasjonalt ansvar for forsking og foredling på ville bær, og på næringsmessig bruk og utvikling av utmark og fiskeressursar i innlandet. Gjennom Nordnorsk kompetansesenter har Bioforsk Nord også ei regional rolle som tilretteleggjar for innovasjonsbasert utvikling i nordnorsk landbruk og naturbruk.

Bioforsk Nord Holt held til på Holt-eigedommen på Tromsøya. Holt-eigedommen er eigd av Staten ved Landbruks- og matdepartementet. Den har vore nytta til forsking og utvikling i landbruk og naturbruk i Nord-Noreg sidan 1923. Holt er den einaste attverande jordbrukseigedommen på Tromsøya, og ligger som ei grøn øy i eit pressområde med bustadbygging på alle kantar. Senteret Bioforsk Nord vert leia frå Holt. I tillegg har vi på Holt ansvar for fagseksjonane "Arktisk landbruk og miljø" og "Nordnorsk kompetansesenter".